Incendie en plein centre-ville de Bastia
(A redazzioni d'Alta Frequenza) - C'hè statu un focu ssu marcuri ind'u centru cità di Bastia. À cinqui ori è quartu, i spignifochi di Corsica Suprana sò stati chjamati pà un'intarvinzioni di focu di strapunta, in ghjò di un palazzu di a residenza l'Aiglon, carrughju Chanoine Colombani. Una volta ch'elli sò ghjunti sopralocu, ani scupartu una turciera inghjinnata da una perdita di gaz dopu ch'ellu sighi statu sciappatu un cunduttu. Un dispusitivu di securità impurtanti hè statu missu in ballu assai in furia, ma dinò un perimetru di securità mentri chì parsoni sò stati ubligati à sorta da i so casi. Guasgi una quindecina d'omi è di camiò sò sempri sopralocu, è ancu di grazia nimu hè statu feritu. I suldati di u focu sò stati appughjati da i tennichi di GDF chì ani tagliatu par asempiu l'alimentazioni in gaz di u quartieru. C'hè statu calchì disguastu matiriali annant'à a facciata di u palazzu chì hè stata appena tocca da i fiari. Un cunduttu d'acqua hè statu appena toccu da disguasti ciò chì faci chì l'uffiziu idrolicu hè statu ubligatu à intarvena. I causi è i circustanzi esatti di ssu focu sò scunnisciuti par avà.
Sur le même sujet
