Le Direct

Incendie en Corse-du-Sud

(A redazzioni d'Alta Frequenza) - Hè partutu un focu impurtanti ssu sabbatu dopu merzionu in Corsica Suttana, annant'à a cumuna di Quenza, vicinu à u rifughju d'Asinau annant'à u GR 20. I fiari ani distruttu dighjà ottu ettari di vegetazioni. Mezi numarosi, aerei par asempiu, cù quattru Canadair, sò sempri mubilizati, u focu essendu fora d'accessu à i mezi umani. U sinistru ùn hè ancu ammaistratu par avà. Squadri di succorsi in muntagna ani dumandatu à parsoni chì passavani pà ssi lochi di spassighjata di parta versu u paesi di Bavedda, par misura di securità.