Le Direct

Incendie de Quenza : le point avec le colonel Bruno Maestracci

I spinghjifoca luttani senza pichju da parà u focu dittu di Quenza, chì hà aghjà picciatu 700 ettari in a vaddi di a Sulinzara.
Supr’à locu, u vintulionu impidisci a isciuta di i mezi aeriani. I spinghjifoca, chì u so travaddu hè beddu dilicatu in issi cundizioni, ani missu in sicurità una dicina di parsoni. U cumandamentu di l’uparazioni, u faci u SIS llu Cismonti.
U focu issendu à cavaddu à i dui dipartimenti, una cellula righjunali di lutta hè stata missa in piazza. U focu hà toccu a furesta di Tova è a vaddi lla Sulinzara.
Dumani, s’iddu cala u ventu, duvariani ghjunghja i mezi aeriani, è duvariani ghjunghja ancu omini in più, da i Bouches du Rhône.
Stemu à senta u culineddu Bruno Maestracci, u dirittori llu SIS 2A, chì faci u puntu d’issa situazioni.