Incendie de Pietralba : amende et prison avec sursis pour l'incendiaire
(A redazzioni d'Alta Frequenza) - C'hè statu un prucessu ssu marti dopu u focu di Petralba in Aiacciu. Una donna di 69 anni - una minnana - era davanti à u ghjudici dopu avè inghjinnatu un focu micca vuluntariu. Avia lampatu un fulganu inde l'erba secca pà fà a paura à u so ghjacaru chì ùn vulia vultà. Duranti l'audienza, l'avucatu di l'accusata ricunniscia chì si trattava di un gestu "d'una stupidità incridibuli", ma dinò ch'ellu ùn era micca vuluntariu. A privenuta hà ricunnisciutu i fatti. Dopu avè pruvatu à spinghja u focu da par ella cù i so pedi, hà chjamatu à u succorsu ed hè andata à veda a pulizza. Dopu i deliberazioni, u tribunali hà dicisu di cundannalla à 3 000 auri d'amenda è à trè mesi di prighjoni attimpati.
Sur le même sujet
