Incendie de l'agence immobilière Century 21 à Ajaccio : vive condamnation de Patriotti
Di notti, trà marcuri è ghjovi, hè statu missu u focu à l’agenza immubiliari Century 21 di u cursu Napulionu, in Aiacciu.
Supr’à locu, hè statu trovu u scrittu GCC. I spinghjifoca sò intarvinuti versu i trè ori è mezu lla mani, è u focu ùn hà toccu chè a vitrarina di l’agenza, chì ha pussutu apra i so porti ghjovi.
Dopu à iss’incendiu, Patriotti hà riagitu via un cumunicatu :
« piddendu si ni dinò à a impresa di Jean-Michel Emmanuelli, certi buttafochi, cù u neci d’un’appellazioni pulitica, circani à metta in malastima una famidda chì, da tanti anni, hà sempri difesu i prighjuneri pulitichi », dici l’associu, purtendu u so sustegnu à Jean-Michel Emmanuelli.
Patriotti cundanna « iss’attu inqualifichevuli d’urigina più chè incerta, chì avaria pussutu arruvinà un arnesu di travaddu isulanu creatu in u 1986 ».
« Ùn lacaremu issi buttafochi turrà à fà riparta i liti vechji, da mascarà a so ignuminia », scrivi in chjudenda Patriotti
