Incendie dans une concession moto à Aiacciu
(A ridazzioni d'Alta Frequenza) -
Sabbatu matina, a cuncissioni mottò di Jean-André Miniconi hè stata dannighjata bè da un focu. L’affari hè successu in prima matina. À senta i sirvizia di a inchiesta è a pracura, u focu saria criminali. A cuncissioni, chì si trova à nantu à a strada di u Stilettu in Aiacciu, era stata inaugurata ch’hè pocu.
Jean-André Miniconi hè l’anzianu prisidenti lla Camara di Cumerciu è d’Industriu llu Pumonti.
Hè patronu di parichji cuncissioni di vitturi in a cità impiriali. Hè ancu u prisidenti lla CPME, a cunfidirazioni di i impresi chjuchi è mizani.
In principiu di luddu, avia dittu ch’iddu si vulia prisintà à a mirria d’Aiacciu, pà i prossimi municipali.
Sur le même sujet
