Le Direct

Incendie dans le Cap Corse : les pompiers doivent faire face à une réactivation des foyers

Si cuntinuvighja a lutta contru a u focu scappatu da Petracurbara in principiu di sittimana. In a notti da marcuri à ghjovi, hè ripresu à nantu à dui punti, ben’ch’iddu ùn ci ni sichi statu ventu.

Una ligna di 4 o 500 metra fala in u vangonu versu Siscu, chì hà picciatu dinò da trenta à cinquanta ettari. Ma u locu hè sversu, è ci si ghjunghji cù difficultà. Sò stati mandati  omini in rinforzu.

Parvia d’un pinseri tecnicu à nantu à l’elicottaru lla Sicurità Civili, a ricunniscenza aeriana privista ghjovi ùn si hè pussuta fà.
Hè statu dumandatu un Canadair in rinforzu, è l’elicottaru bumbardieri d’acqua di u SIS2A hè statu missu à dispusizioni.

I spinghjifoca ani da circà à andà à pedi à nantu à u fronti, masimu in Olcani.
Dipo’ u principiu lla sittimana, sò picciati 250 ettari.