Incendie dans la vallée du Tavignani
(A redazzioni d'Alta Frequenza) - Hè partutu un focu ssu luni dopu meziornu versu dui ori in Corti, in a valli di Tavignani, settori di u Lavu di a Matra. Fora d'accessu à i mezi umani, i fiari ani toccu dopu i cresti è parcorsu par avà à pocu pressu una decina d'ettari di vegetazioni. Una sissantina di spinghjifochi è di militari sò mubilizati, mentri chì quattru Canadair sò in azzioni è chì un elicotteru faci ricunniscenzi sopralocu. Pà privenzioni, una sissantina di parsoni prisenti in muntagna, abitanti o ghjenti chì faciani una spassighjata, sò stati aduniti è missi in securità. A prifittura racumanda d'altrondi d'ùn andà micca pà ssi lochi è di rispittà l'interdizzioni in corsu di fà fochi. (Ritrattu : SDIS 2B).
Sur le même sujet
