Incendie au magasin Défi Mode d'Ajaccio-Noël Franchini
(A redazzioni d'Alta Frequenza) - Un focu s'hè dichjaratu in principiu di sirata (sabbatu) versu 7 ori è 30 ind'u magazenu Défi Mode, lucalizatu viali Noël Franchini in Aiacciu. Quissu quì hè partutu appena dopu à a sarratura di u stabilimentu. Parechji mezi di i spinghjifochi di a cità Imperiali sò stati mandati sopralocu da ammaistrà u sinistru. A pulizza ci hè dinò, frà altru pà rigulà a circulazioni, dopu chì una sviata sighi stata missa in ballu. Sicondu i primi elementi racolti, u magazenu saria distruttu di modu sanu. I causi esatti di issu focu sò par avà scunnisciuti.
Sur le même sujet
