Incendie à bord d'un navire : deux pêcheurs sauvés en Corse du Sud
(A redazzioni d'Alta Frequenza) - Stanotti à trè ori, u CROSSMED (Centru Righjunali Uperaziunali di Survighjenza è di Salvezza di u Mediterraniu) hè intarvinutu dopu avè ricivutu un missaghju d'alerta. Dui piscadori sò stati ubligati à lacà u so battellu, u "Score", toccu da un focu. Ss'ultimi sò cullati annant'à u so battillucciu di succorsu, cù a so radiu mentri ch'elli erani à a punta di Fautea, à u nordu di Purtivechju (Corsica Suttana). U CROSSMED hà mubilizatu subbitu un dispusitivu di salvezza aereu è marittimu : l'elicotteru Super Puma di l'Armata di A Sulinzara è u battellu SNS 159 di a sucità naziunali di salvezza in mari (SNSM) di Purtivechju, pà pudè ritruvà è purtà succorsu à i dui omi. Salvati è in bona saluta à quattru ori è quartu, ma in iputermia lighjera, i dui omi sò stati presi in carica prima da a squadra di u battellu SNS 159 eppo da un'ambulanza di i spignifochi una volta ch'elli sò ghjunti annant'à a tarra. U battellu di i piscadori, ellu, s'hè affundatu.
Sur le même sujet
