Incendie à Bonifacio : 150 hectares de maquis détruits par les flammes
(A redazzioni d'Alta Frequenza) - U focu chì hè partutu versu meziornu ssu marti nant'à a cumuna di Bunifaziu, sopra Vintilegna, vicinu à u tarrenu militariu Frasselli, ùn hè ancu fissatu. Più di 150 ettari di machja grossa è chjuca sò stati distrutti da i fiari. Sopralocu, à pocu pressu 80 omi di i spinghjifochi di u dipartimentu sò mubilizati, mentri chì quattru Tracker è dui Canadair agiscini da u celu. U focu hè passatu à punenti, settori di Pianottuli. Più di centu parsoni sò stati ubligati à andassini da a piaghja di a Tunnara. Da rimarcà chì a strada tarrituriali 40 hè tagliata à u meziornu di Pianottuli. A circulazioni si faci oramai da a strada dipartimintali 859 (Figari/Purtivechju). Sicondu u merri di Bunifaziu, Jean Charles Orsucci, ch'emi chjamatu, si trattaria di un'uparazioni di sminadori chì si saria passata mali, inghjinnendu trè fochi à tempu, cù unu solu chì hà pussutu essa ammaistratu. (ritrattu : SDIS 2A)
Sur le même sujet
