Inauguration du point VAE au CFA Amparà d'Ajaccio
Antonia Luciani, a cunsigliera esecutiva in carica di a Cultura, di u Patrimoniu, di l’Aducazioni è di a Furmazioni, hà inauguratu ghjovi, à u CFA AMPARÀ, u puntu VAE d’Aiacciu.
St’inaugurazioni entri in u contu lla stallazioni di 9 punti d’infurmazioni tarrituriali didicati à a VAE, è sparti par tuttu u tarritoriu isulanu.
A CdC si hè datu par missioni di cuurdunà l’attori di l’urientazioni, da porghja è guaranzì parcursi prufiziunali sicurizati à i parsoni, longu à a so vita.
A Valurisazioni di l’Acquisti lla Spirienza hè una via impurtanti d’issi parcursi.
Steti à senta à Antonia Luciani.
Jean-Charles Martinelli, u prisidenti lla Camara di i Mistieri è di l’Artisgianatu, dici chì affiancà, in issa dimarchja di VAE, à quiddi chì dipendini lla so stituzioni hè cosa nurmali.
Una infurmazioni è un accumpagnamentu di qualità, chì ghjovani à assistà un parcursu prufiziunali, sò pruposti à i diplumati à vena.
Steti à senta à Jean-Charles Martinelli.
Florian Usai hè d’issi ghjovani diplumati cù a VAE. Ci spieca u intaressu d’essa affiancatu bè, è ciò ch’iddu li porta oramai issu diploma.
Steti lu à senta
Sur le même sujet
