Hè statu inauguratu u carrughju Charly Andreani in Portivechju
Photo Cità di Portivechju
Mentri una cirimonia carca ad emuzioni, hè statu inauguratu arimani in Portivechju u carrughju Charly Andreani.
Bastianu Andreani è Jean-Christophe Angelini, u merri, ani presu a parolla innanzi ch’idda sichi biniditta a placca da Don Pierre-Emmanuel. U cunsiglieri esecutivu Gilles Giovannangeli, u cunsiglieri tarrituriali Jean-Jacques Lucchini è u merri di Quenza Roselyne Balesi erani ancu iddi d’iss’evenimentu.
Charly Andreani, militanti naziunalistu, hè statu assassinatu di notti, trà u 17 è u 18 di frivaghju di u 1996, in u quartieri di a Marina.
L’inaugurazioni di u carrughju Charly Andreani veni in seguitu à i travadda di a cumissioni di a tupunimia chì ani da permetta, da quì à pocu, di cambià u nomu di certi carrughji purtivichjacci ma ancu di metta pancartini novi à a intruta di i pasciali è paesa di a cumuna.
Steti à senta u discorsu di u merri Jean-Christophe Angelini, pà iss’inaugurazioni.
Sur le même sujet
