Importante mobilisation contre le projet de carrière à Tallano
U Cullittivu Forza Tallà è l’associu Alta Rocca Viva ani urganizatu luni à sera una riunioni d’infurmazioni, par parlà di u prughjettu di carriera.
Si sò ditti impinsiriti à veru di veda sbuccà issu prughjettu, l’urganisatori.
In u 2021, parvia di a mubilisazioni, era statu suspesu. Ma ci hè quantunca a paura di veda lu affaccà dinò.
I cunsiquenzi sariani più chè pessimi pà a stabilità d’issa vaddi ind’iddu curri u Rizzanesi, chì lia piaghja è muntagna.
L’affari purtaria parghjuriziu à a so intigrità giugraffica è culturali, à u so patrimoniu cusì riccu, à a so attività agropasturali. T’avaria effetti gravi à liveddu sanitariu, è difinitivi à liveddu ambiintali.
Ùn hà mancu sensu à liveddu ecunomicu, chì ùn currispondi à nisciun’rialità.
Steti à senta à Jean-Paul Panzani à nomu di a dimarchja « Non à la carrière ».
