Importante intervention technique au Monte Stello
In cor’di sittimana passata, ci hè statu un intarventu tecnicu impurtanti à nantu à u Monte Stellu, fattu cù l’aiutu maestru di l’elicottaru Dragon2B.
Si trattaia di rimpiazzà intigralmenti u parcu di i battarii di i stallazioni strategichi di l’emettori ripititori, vali à dì trè tonni di matiriala.
Iss’attrazzi, ghjunti in fin’di vita, duviani essa rinuvati da guaranzì a cuntinuvità di funziunamentu di i mezi essinziali : reti di radiò, mezi aerei è sistemi d’alerta, particularmenti pà un sittori chì curri sinu à Cervioni. Una battaria anziana pisaia circa 150 chilò, una novi ni faci 90.
Ci n’hè 22, è ani da essa rimpiazzati pianu pianu. Da ch’iddu ùn sichi intarruttu u sirviziu, una battaria spicifica hè stata missa in anda longu à l’intarventu.
L’uparazioni, bedda tecnica parvia di u pesu di u matiriali è di a difficultà à ghjunghja supra à locu, si devi fà in dui volti, a siconda issendu privista à mezu maghju.
Sur le même sujet
