Le Direct

Il y a 250 ans... Pasquale Paoli tenait un conseil de guerre à Corte et organisait la résistance face aux Français

(A Ridazzioni d'Alta Frequenza) - 250 anni fà, a guerra si facia rabbiosa in Corsica. Quattru mesa dopu à a signatura llu trattatu di Versaglia, chì mittia a francia in pusizioni d’amministrà a Corsica, da rimpiazzà a ripublica di Ghjenuva, Lavighju XV è u so ministru Choiseul aviani mandatu in Corsica un corpu spidiziunariu, da fà la finita cù a indipindenza di l’isula è u guvernu di Paoli. In fin’ di sittembri, Paoli accuddia i so ufficiala pà un cunsigliu di guerra, in Corti. Ordini era datu di risista à i truppi francesi. Millai di suldati si sparghjiani in Cismonti, in a Casinca è u Nebbiu. Battindu si cù i so armi, i Naziunali faciani ancu piccià a machja, i ghjorna di vintulionu, da spavichjà i francesi. I suldati paulisti faciani dinò a guardia lli funtani, impurtantissimi ben’intesa, è furtificaiani i casoni lli paesa. Principiaia tandu a risistenza.