Il faut saisir la main tendue par le Président Simeoni selon R. Ferrand
(A redazzioni d'Alta Frequenza) - Richard Ferrand era stamani (marcuri) invitatu nant'à Cnews. U capimachja di i diputati La Républiqu en Marche hà chjamatu marcuri u guvernu d'Emmanuel Macron à "pighjà a manu tesa" da u presidenti di u cunsighju esecutivu di Corsica, Gilles Simeoni. "Ci voli à pighjà cuscenza chì a Corsica hà ritrovu a paci, ch'ella c'hè una brama di sviluppu ecunomicu di a Corsica è chì ciò chì hè dumandatu, hè una capacità d'azzioni più larga ind'a Republica", hà sviluppatu Richard Ferrand, pà quali "ci voli ad asaminà ciò ch'ella pò vulè dì l'autunumia inde a Republica", hà dichjaratu frà altru Richard Ferrand. "Nant'à ssi basi quì, pensu ch'ellu ci voli à travaghjà in sincerità cù u presidenti Simeoni è passà à u fondu d'un tempu di u suspettu permanenti à un tempu di a cunfidenza d'avvena", hà aghjustatu u diputatu di u Finisteru.
Sur le même sujet
