Hôpital de Bonifacio: le STC dans l'attente de la réunion de Sartène
(A redazzioni d'Alta Frequenza) - I militanti di u STC, chì occupavani dipoi u principiu di a settimana scorsa i lucali di l'Agenza Righjunali di a Saluta in Aiacciu, ind'u quadru di u cunflittu à l'uspidali di Bunifaziu, ani dicisu finalmenti d'andà si ni eri in principiu di dopu meziornu (luni). Aduniti in assemblea ghjinirali, i membri di u sindicatu naziunalistu ani sceltu di parta "degni", senza chì i funziunari di pulizza ghjunti appena dopu davanti à u stabilimentu avissini bisognu d'intarvena. Una dilegazioni di u STC hè stata ricivuta à a fin di a ghjurnata da u prifettu di Corsica è u direttori di l'ARS à u palazzu Lantivy pà ammintà a situazioni; dopu à ss'intrattenu, u sindicatu paria quantunqua inchietu, postu chì li paria chì u Statu "ùn avissi micca veramenti presu cuscenza di a situazioni". Una riunioni nanzi à un novu appuntamentu privistu ssu dopu meziornu (marti) ind'a sottu prifittura di Sartè pà scuntrà u spertu incaricatu di studià da più vicinu a situazioni nentru à l'uspidali.
Steti à senta à Paul Petrelli, pà u STC Saluta, intarrugatu à a surtita di i lucali di l'Agenza Righjunali di a Saluta.
Sur le même sujet
