Hôpital de Bonifacio: clivage entre STC et CGT
(A redazzioni d'Alta Frequenza) - U cunflittu di l'uspidali di Bunifaziu hè in traccia di pighjà un versu chì ùn era micca statu privistu da l'urganisazioni sindicali. Prima purtatu da un'intersindicali STC / CGT, pari chì sfarenzi impurtanti sighini spuntati pà ciò chì tocca a direzzioni di l'uparazioni. A CGT s'hè ritirata in fatti di un cunflittu è scuntrarà ella sola ssu dopu meziornu (marcuri) u prifettu di Corsica. U STC cuntinueghja anch'ellu solu a so occupazioni è dumanda torna è sempri a partenza di u direttori di l'uspidali di Bunifaziu. A CGT faci una critica forti ghjustu appuntu stamani di ss'occupazioni quì pricisendu chì i parsunali di l'ARS ùn devini micca veda l'accessu à i so lucali difesu da militanti sindicali chì ùn sò micca di u stabulimentu. Senza essa troppu astutu, si pò induvinà a spiccanza forti trà l'uni è l'altri, a cursisazioni di l'impiechi ammintata suventi di u STC ùn essendu mai statu veramenti u sughjettu prifiritu di a CGT.
Sur le même sujet
