Le Direct

Hôpital de Bastia : les grévistes de la faim seront devant l'Assemblée de Corse vendredi

(A redazzioni d'Alta Frequenza) - Novesimu ghjornu di cunflittu à l'uspidali di Bastia ssu marcuri, un cunflittu chì cuntinueghja è chì cresci à tempu. Dipoi ssu marcuri, i telefoni, fora di quilli di l'urghjenzi di sicuru, sò tagliati, è a riunioni di u principiu di dopu meziornu hà adunitu parsunali numarosi è usadori. I grevisti di a fami, for'di un'azzioni surpresa pà ssu ghjovi da mani, ani annunciatu ch'elli ùn vuliani più discorra cù u prifettu di Corsica Suprana, Gérard Gavory, dopu ch'ellu avissi mandatu setti camiò di CRS duranti l'occupazioni di i lucali di a direzzioni luni. Volini discorra direttamenti oramai cù u prifettu di Corsica, di quali elli aspettani un segnu d'apartura. Ssu vennari, i grevisti di a fami è i so sustegni andarani dinò in Aiacciu pà l'ultima sissioni di l'Assemblea di Corsica nanzi à l'alizzioni tarrituriali di u mesi di dicembri.

Steti à senta à Chantal Risticoni, dilegata sindicali CGT.