Hôpital de Bastia : le conflit continue par de nouvelles actions
(A redazzioni d'Alta Frequenza) - U cunflittu chì dura dipoi più d'una simana à l'uspidali di Bastia cuntinueghja. In fatti, s'è l'occupazioni di i casali di a direzzioni s'hè compia ssu luni in mità di sirata, ci sò altri azzioni ssu marti. Di fatti, i tasteri di l'urdinatori di i secretari medicali di l'uspidali sò stati cacciati, mentri chì i portaferiti piantani di travaghjà à certi mumenti, ancu s'elli cuntinueghjani quantunqua ad assicurà l'urghjenzi nurmalamenti. I grevisti di a fami ani cuntinuatu pà contu soiu u so muvimentu, ancu s'è certi, cù una cundizioni medicali chì inchieta, sò stati rimpiazzati da altri impiegati. I parsunali CGT à l'urighjini di u cunflittu aspettani una risposta da quì à 4 ori cuncirnendu a data di a riunioni interministiriali amintata da a direzzioni di l'ARS è a direzzioni di l'uspidali, una riunioni chì si faria trà u prima ministru Edouard Philippe, u ministeru di u Bughettu è quillu di a Saluta.
