Hôpital de Bastia : le cluster COVID de 15 personnes est sous contrôle, tandis que les services COVID ne sont pas sous pression
Photo : Julien Pernici
U spidali di Bastia hà fattu un puntu, par parichji affari in raportu cù u Covid 19.
U puntu di cuntaminazioni affaccatu via un malatu ghjuntu in pneumulugia u 23 di dicembri hè cuntrullatu. Chivi, 15 parsoni sò stati cuntati pusitivi : deci trà i parsunala, è cinqui trà i malati.
Dici u spidali chì, ancu puri ch’idd’ùn si ricevi più à nimu in u sirviziu di pneumulugia, i parsoni tocchi da patulugii nurmalmenti trattati chivi sarani presi in carica in altri sirvizia.
In quantu à l’uspitalisazioni pà u Covid, dici a dirizzioni llu spidali chì i sciffri di l’ARS sò da rilativizà.
Sinu à marti, ùn era apartu chè u solu sirviziu lla rianimazioni, è tandu tutti i malati, ancu i menu tocchi, sò stati missi chivi. Malati à veru in rianimazioni, à senta a dirizzioni llu spidali, ùn ci n’hè, postu chì intubazioni ùn si n’hè fattu.
Marti, hè statu apartu un sirviziu cunvinziunali pà u Covid, cù deci letta. Cusì, i sciffri sarani in cunfurmità cù a situazioni vera.
Steti à senta à Jean-Mathieu Defour, u dirittori llu spidali di Bastia.