Hôpital de Bastia : la prise en charge de l'endométriose améliorée grâce à un partenariat avec l'hôpital Tenon de Paris
L’endometriosi, issa malatia dulurosa à veru è chì porta à l’infirtilità, certi a insignani da malatia llu vintunesimu seculu pà i donni. Sinu à pocu, ùn era cusì asatta a so presa in carica in Corsica. Ma par furtuna, sò middurati l’affari.
U spidali di Bastia hà rinfurzatu a so cullaburazioni cù u spidali Tenon di parigi, cunnisciutu pà a so spirtizia à issu sughjettu.
Trè duttora d’issu spidali s’ani da tacchià, da cunsultà ugni quindici ghjorna, o ancu uparà s’iddu ci voli.
Ma issi duttora sarani ancu chivi da furmà ni altri, l’ughjittivu issendu, à longu andà, d’avè un sirviziu d’endometriosi indipindenti à u spidali di Bastia.
Hè una bedda scumissa, d’altrondi : 500 donni sò presi in carica ugni annu, ma sariani 5 000 in Cismonti à essa tocchi.
Steti à senta u duttori Thomas Darnaud, u gineculogu in carica di l’unità di ricirca clinica llu spidali di Bastia.
In quantu à u spidali Tenon, vurria cusì permetta à issi donni di prufittà lla spirtizia di duttori spicializati, senza avè à mova in parigi. Ma l’ughjittivu hè ancu ch’iddu s’avvizzi u spidali di Bastia à intarvena in issu duminiu.
Steti à senta u prufissori Emile Dara.
Sur le même sujet
