Hôpital d'Ajaccio : un service des urgences à flux tendu
(A redazzioni d'Alta Frequenza) - Mentri ch'ellu si senti ricullà una scuntintezza sicura inde a maiò parti di i sirvizi d'urghjenzi di l'uspidali di Francia, emi vulsutu pighjà a timperatura di quillu di l'uspidali d'Aiacciu. Parsunali stanchi parchì micca abbastanza numarosi, pazienti chì aspettani troppu, ssu sirviziu cunosciaria i listessi prublemi cà quilli censati inde una mansa d'altri stabilimenti ? Pà Vincent Martelli, à u capu di l'unità, asistini oghji veri difficultà ma chì devini essa analizati inde un insemi di saluta glubali. Di sicuru, l'urghjenzi accoglini oghji un publicu ghjuntu da tutta a Corsica Suttana è devini dunqua gistiscia una pupulazioni assai impurtanti, ma bisognu à pighjà in contu dinò i seguiti di u passaghju inde l'urghjenzi. Gistioni di i letti, urganisazioni di u ritornu in casa, è soprattuttu prisenza di spicialisti chì bastessini inde u stabilimentu pà pudè risponda à tutti i dumandi. Si dumanda oghji a pulivalenza è a flessibilità à u parsunali chì cura, ma ùn hè micca podassi a suluzioni a più efficaci è a più adattata. Ci voli un avvicinamentu trà a logica ecunomica è quilla medicali.
Steti à senta à Vincent Martelli, in carica di u sirviziu di l'urghjenzi di l'uspidali d'Aiacciu.
