Hôpital d'Ajaccio : position des présidents Simeoni et Talamoni ainsi que du STC
(A redazzioni d'Alta Frequenza) - Gilles Simeoni è Ghjuvan Guidu Talamoni ani scuntratu ss'ultimi ori, ma spiccati, tutti i sindicati di i parsunali di a Misericordia; u sicondu era prisenti d'altrondi à a manifistazioni nant'à u corsu Nabuliò. U STC si filiciteghja di a presa in contu da l'eletti di a CTC di a rivindicazioni sindicali eppo di a missa in ballu a sittimana chì veni di una riunioni chì adunisciarà tutti i sindicati. I dui presidenti cunfirmeghjani bè chì una riunioni induva tutti i parti participarani sarà urganizata da quì à pocu.
