Homologation du stade de Furiani : diverses opérations en cours
(A redazzioni d'Alta Frequenza) - Dipoi calchì ghjornu, ci hè una pulemica inghjiru à a missa à i normi di u Stadiu Armand Cesari pà a Lega 1. Quissa quì hà purtatu a Cumunità d'Aglumerazioni di Bastia è u Sporting Club di Bastia ad aduniscia si arimani (marti) da stabiliscia com'ellu ci voli a scheda di i bisogni in casu di cullata in fini di staghjoni. Pà ciò chì tocca à a tribuna Nordu, u pizzonu di issa pulemica, u so tettu duvaria essa compiu à a fini di marzu, mentri chì l'elettricità è a sunurisazioni di issu tettu duvariani essa compiu fini d'aprili. Pà ciò chì tocca i numarosi rimissi à i normi di i lucali, spurtivi o micca, dumandati da a LFP in privenzioni di a virsata sana di i diritti televizati di a prossima staghjoni, un raportu di l'APAVE sarà fattu da quì à calchì settimana, i dirighjenti avendu sottulineatu a necessità di furniscia cartulari di i travaghji à u più tardi u 30 d'aprili. Infini, ed hè un affari assai impurtanti pà issi travaghji, a firmatura di un affittu enfiteoticu trà a squadra è a CAB pudaria intarvena à a fini d'aprili s'è i neguziazioni duviani sbuccà nant'à un segnu pusitivu.
Sur le même sujet
