Le Direct

Haute-Corse : vigilance jaune orages et pluies dès la nuit prochaine

À parta si da mezanotti, è pà un minimu di 24 ori, u Cismonti hè in vighjulanza giadda parvia di u risicu di pieni è scurruttoni.

I scurruttoni, nati à mari, pudariani tuccà i bor’di mari po’ entra si ni in in tarri pirdindu di a so attività. Pudariani falà da 50 à 80 mm d’acqua in pocu tempu, u ventu pudaria buffulà da 80 à 100 chilomitra à l’ora, è ci pudariani ancu essa grandina è attività elettrica.

L’affari si pudaria appacià ghjovi in dopu meziornu, po’ ripiddà in fin’ di ghjurnata è in a notti da ghjovi à vennari, cù un’altra passata di scurruttoni. U ventu, una volta di più, pudaria tuccà 80 o 100 chilomitra à l’ora, è i so buffulati fà si ancu à trombi. Pudariani falà da 40 à 60 mm d’acqua, è ancu colpu à colpu 100. I scurruttoni si duvariani avvià versu l’Italia vennari matina.