Le Direct

Haute-Corse : les services de police et la justice font le bilan d'une année 2020 particulière

Par ciò chì tocca à a sicurità publica, in Cismonti com’è in altrù, sarà statu beddu spiciali l’annu 2020, parvia di a crisa sanitaria.
Ci sò stati i beddi sforzi pà i virifichi liati à u Covid : 838 parsoni sò stati virbalizati, cù 51 000 virifichi fatti mentri u primu cunfinamentu in zona di pulizza. In l’aeruporti, mentri u sicondu cunfinamentu, 25 151 parsoni sò stati cuntrullati, è 32 di quissi virbalizati.

L’arrubbeghji senza viulenza sò calati di 20 %, è quiddi cù a viulenza sò calati di 50 %. Di 50 % sò calati dinò l’accidenti murtali par istrada.
Ci hè a stessa calata par ciò chì tocca à i vitturi brusgiati : in zona di pulizza, erani 176 in u 2019, sò stati 97 in u 2020.

Steti à senta i spiicazioni di françois ravier, u prifettu llu Cismonti.

Par ciò chì tocca à u trafficu di droga, i presi sò crisiciuti un pocu, ma si fermani da suttu à quiddi llu 2018. Ma hè altra è in crescita a so impurtanza, ùn sichi chè parvia di i quantità presi è di i reti tocchi. D’aprili, d’altrondi, s’aspetta un grossu prucessu in Bastia.

Par disgrazia, i viulenzi cunghjucali è sissuali sò crisciuti, in prupurzioni alti.

Sò cosi ch’iddu ci voli à fighjulà bè è tena à menti, ma ùn hè sempri asatta à spiicà li di manera chjara.

Steti à senta à arnaud viornery, u prucuratori di Bastia.