Le Direct

Haute-Corse : forte hausse des saisies de drogue et d'armes en 2021

In fin’di sittimana passata, françois ravier, u prifettu llu Cismonti è arnaud viornery, u prucuratori di Bastia, ani parlatu di a malavita in u dipartimentu, pà u 2021.

I sirvizia lla pulizza è lla ciandarmaria ani fattu presi più impurtanti di droghi in u 2021 :

- 101 chilò d’arba è di pecia di canapu. In u 2020, ci n’era 65.
- 196 grammi d’eruina. Ùn ci n’era chè 17 in u 2020.
- 297 pedi di canapu. Ci n’era 97 in u 2020.
- 48 cumprimati d’ecstasy. In u 2020, ùn n’hè statu trovu chè unu.

Chì pinsà d’issi sciffri : travaddu fattu à quidda volta in u 2020 o crescita trimenda lla cunsumazioni ?

In i sittimani à vena, 35 parsoni ani da essa ghjudicati in Bastia, pà trè affari sfarenti.

I presi d’armi sò crisciuti di 48 %. L’affari si spiicaria cù a presa sistimatica di l’armi prisenti in a casa lli parsoni suspittati di viulenzi in coppiu. Soca ch’innanzi, i li lacaiani l’armi, à iss’aienti !

Par ciò chì tocca à i crimini finanziarii, sò stati presi più di sei miliona d’auri.

Steti à senta à arnaud viornery, u prucuratori lla ripublica di Bastia, chì circa à spiicà issi sciffri.