Hausse de 30% des passagers dans le secteur aérien pour le week-end de Noël en Corse
Pà a duminicata di Natali, u trafficu di i passaghjeri pà u trasportu aerianu in Corsica hè crisciutu di 30 %, à pettu à quiddu d’annu.
Issi sciffri sò quiddi di a camara di cumerciu è d’industriu, chì pricisa chì a crescita hè di 5 700 passaghjeri in più pà u stessu periudu.
Hè l’aeruportu d’Aiacciu chì si godi a prugrissioni a più forti, cù 3 300 passaghjeri in più è una crescita di 43 %.
Quiddu di Bastia, cù 2 200 passaghjeri in più, t’hà una crescita di 28 %.
A crescita hè menu alta in i dui altri aeruporti : 7 % in Calvi è 5 % in Ficari.
Sur le même sujet
