Guardiani di a Memoria demande l'accélération de la finalisation de Femu a Corsica
(A redazzioni d'Alta Frequenza) - Dopu à una prima cumunicazioni scritta di marzu, l’associu Guardiani di a Memoria hà urganizatu a so prima cunfarenza di stampa sabbatu à l’Università di Corsica, in Corti. Una struttura criata à l’iniziativa di militanti naziunalisti anziani, com’è Jo Peraldi, Jacques Fieschi o ancu Max Simeoni, à mezu à tant’altri. Un urganisimu chì si scrivi inde i listessi fundamenti cà quilli di u ghjuramentu di l’eletti di a maghjurità tarrituriali, duranti a seenza di stallazioni di a Cullittività Unica nova. Pà Guardiani di a Memoria, a missa in ballu di stituzioni adattati hè di primura, com’è Femu a Corsica chì devi duvintà l’istanza suvrana principali. Nant’à ssu puntu, è luntanu da qualsiasi iniziativa parsunali chì saria un’impustura o ancu un tradimentu, a finalisazioni di Femu devi andà più in furia, dicini ssi militanti frà i quali certi ani principiatu u so impegnu inde l’annati 1960. Di pettu à un Statu « arganti è chì ùn accetta cumprumessi », l’associu voli, di pettu à a sparienza di i so membri, difenda l’acquisti, prumova è accumpagnà « un futuru chì ùn ci pò scappà ».
Steti à senta à Max Simeoni.
