Grève des enseignants : une journée de protestation peu suivie en Corse
Ghjovi, i principali sindicata d’insignamentu ani chjamatu à fà greva è à manifistà, pà i misati è i cundizioni di travaddu.
Trà i rivindicazioni, c’era ancu a difesa di a scola publica, masimu parvia di i dichjarazioni pulemichi ch’idda feci a sittimana passata Amélie Oudéa-Castéra, a ministra di l’aducazioni.
U muvimentu ùn hè statu suvitatu tantu in Corsica. Ùn sò stati chè pochi dicini di parsoni à accodda si davanti à u ritturatu in Aiacciu, o davanti à a spizzioni accademica in Bastia.
A purzioni di i grivisti hè da suttu à a media francesa : 19,53 % di i insignanti di u primu gradu è 11,7 % di quiddi di u sicondu gradu erani in greva arimani.
À liveddu francesu, u ministru di l’aducazioni hà arrighjistratu 20,26 % d’insignanti grivisti : 20 % in u primariu, 29 % in culleghju, 8 % in liceu ginirali è tecnulogicu è 12 % in liceu prufiziunali.
I sindicata, inveci, ani dittu ch’iddi erani 40 % i grivisti trà l’insignanti di u primariu, è 47 % trà quiddi di culleghju è liceu.
Sur le même sujet
