Grève à la Méridionale : le port de Bastia paralysé, les grévistes restent déterminés
(A ridazzioni d'Alta Frequenza) - Ci hè statu u pidda para duminica à nantu à u portu di Bastia. Dopu ad avè bluccatu a marcansia à nantu à u Pascal Paoli di a Corsica Linea, i grivisti STC di a Méridionale ani circatu à attimpà u imbarcamentu di i passaghjeri à nantu à u Pascal Lota di a Corsica Ferries è u Moby Zaza.
Fatta fini, ùn sò partiti issi navi. Cusì n’hè statu dinò pà u Moby Vincent, chì hà pussutu sbarcà i so passaghjeri in Bastia ma ch’ùn hà pussutu imbarcà à quiddi chì duviani fà u traghjettu cuntrariu.
Cù issu bluccamu, ci sò stati uni pochi di pinsera, masimu à nantu à u Moby Zaza : Fabien Paoli, u dirittori di a Moby Lines in Corsica, chì t’hà 82 anni, hè statu sbutussatu da parichji passaghjeri, chì l’ani ancu lampatu in tarra.
Duminica in prima sirintina, a maior’parti di i passaghjeri di u Pascal Lota è di u Moby Zaza erani falati da i navi. Certi sò andati in Lisula, induva i dui cumpagnii aviani privistu di fà parta navi.
I marinari lla Méridionale, iddi, sò beddi dicisi à cuntinuvà u so muvimentu, masimu dopu ch’idd’achi fattu un cumunicatu a dirizzioni.
Stemu à senta à Cyril Venouil pà u STC
Sur le même sujet
