Grave accident de la route à Calvi
(A redazzioni d'Alta Frequenza) - C'hè statu un accidenti nant'à a strada ssu sabbatu à meziornu in Calvi, vicinu à l'aeruportu. Una motò hà pichjatu contr'à una vittura, pà raghjoni sempri scunnisciuti. U pilotu di a motò, un turistu di una trentina d'anni, hè statu feritu gravi. In arrestu cardiurispiratoriu quand'elli sò ghjunti i succorsi sopralocu, hè statu purtatu in elicotteru Dragon 2B à l'uspidali di Bastia. Unu di i passaghjeri di a vittura, feritu à un gradu menu impurtanti, hè statu purtatu anch'ellu à l'uspidali.
Sur le même sujet
