Grave accident de la route à Ajaccio
Ci hè statu un accidenti tarribuli à nantu à a strada à quattru vii, trà Purtichju è Aiacciu.
À senta ni i spinghjifoca, si trattaria d’una vittura cù parichji parsoni.
Dui parsoni, sfrumbulati fora da u veiculu, sariani in arrestu cardiorispiratoriu.
Dui altri passaghjeri ùn sariani stati trovi, è ci sariani altri ferti.
Supr’à locu, sò ghjunti 30 spinghjifoca, cinqui VSAV, è i squadri di u SAMU, chì d’altrondi ani fattu chjamà squadri midicali in più.
A circulazioni hè disturbata bè, è i squadri midicali dumandani à l’aienti di circà à ùn passà quinci, da facilità i so intarvinzioni.