Grande journée au profit de l'association Kevin Petit Diablotin ce dimanche à Ajaccio
(A redazzioni d'Alta Frequenza) - U Team Kevin Racing pruponi ssa dumenica nant'à u tarrenu di Cross di Sant'Antone un staziu di motò cross d'85 è più. Una ghjurnata chì sarà animata da u pilotu di Rallye Raid Michaël Pisano è da u pilotu di motò famosu Michel Marchini. Da nutà a participazioni di u ghjovanu campioni isulanu in motocross Christophe Charlier è di l'anzianu rugbyman Christian Califano. Una vendita è una tombula sarani urganizati sopralocu. Ci sarà da bia è da magnà pà tuttu u mondu. I soldi racolti sarani dati à l'associu Kevin Petit Diablotin chì raprisenta un ghjuvanottu toccu da un atrufia cerebrali impurtanti è paralizatu dipoi ch'ellu hè chjucu.
