Gilles Simeoni rencontre Gérald Darmanin et la présidente de l'Assemblée nationale
Photo d'archives
Gilles Simeoni, u prisidenti di l’esecutivu, hà da avè dui scontri marti in parigi : unu cù u ministru francesu di l’internu, Gérald Darmanin, è l’altru cù a prisidenti di l’assemblea ditta naziunali, Yaël Braun-Pivet.
« U scontru cù Gérald Darmanin hè statu privistu dopu ch’iddu sichi statu publicatu, u 29 di sittembri, l’arrestu lla camara d’appiicazioni lli peni di parigi, chì ricusaia a libartà cundiziunali à Pierre Alessandri, è dopu à a pusizioni unanima di a cunfarenza lli prisidenti chì l’hà fattu seguitu. Di u principiu d’una riunioni capu à capu, da fà u puntu à nantu à a situazioni pulitica, cunfirma n’hè stata dopu à a dichjarazioni cumuna di a diligazioni di l’eletti corsi, u setti d’uttrovi, è dopu à a risuluzioni sulenna di u 27 d’uttrovi, chì dumandaia à u statu « atti pulitichi da metta in anda i cundizioni lla ripresa di u dialugu », pricisa u prisidenti llu cunsigliu esecutivu.
« U scontru cù a prisidenti di l’assemblea naziunali hà da permetta di lintà un’uchjata allargata à i rilazioni trà a Corsica è u statu, è ci sarà posta a quistioni lla cumissioni d’inchiesta parlimintaria à nantu à i circustanzi di l’assassiniu d’Yvan Colonna », dici u prisidenti di l’esecutivu, pricisendu chì a cunfarenza di i prisidenti di l’assemblea di Corsica hà da essa infurmata di u cuntinutu d’issi scontri, à tempu finiti.
Sur le même sujet
