Gilles Simeoni è Ghjuvan Guidu Talamoni in Matignon : u missaghju di Corsica Libera
(Michaël Andreani - Alta Frequenza) - Hè ssu luni à 5 ori chì u Prima ministru, Edouard Philippe, ricevi in Matignon i presidenti di l'Esecutivu è di l'Assemblea di Corsica, Gilles Simeoni è Ghjuvan Guidu Talamoni. Un scontru aspittatu da l'eletti di a maghjurità tarrituriali, chì aspettani risposti nant'à sughjetti assai pulitichi chì ùn c'hè micca bisognu à ramintà vistu ch'elli sò stati frà altru à u centru di l'ultima campagna eletturali. Ghjustu appuntu, Corsica Libera urganizava sabbatu dopu meziornu una cunfarenza di stampa davanti a prifittura di Corsica in Aiacciu. Pà u muvimentu, u Statu devi dimustrà a so vulintà di dialugà cù gesti forti è da a chjarificazioni di l'azzioni di i so sirvizi chì sempri oghji, dici u partitu puliticu, "passani pà pratichi occulti è surnioni". Apparteni à u Presidenti di a Republica, aghjustani l'indipendentisti, d'ingaghjà u so guvernu in un dialogu riali è prufondu, "o tandu a pezza principiata da Madama a Ministra Gourault si pudaria limità à u rimori di a cumunicazioni è compia à u prim'attu".
Steti à senta à Eric Simoni pà Corsica Libera.
Sur le même sujet
