Gilles Simeoni a signifié à Emmanuel Macron une "volonté inébranlable de construire l'autonomie"
« Vi dumandemu, o Sgiò prisidenti lla ripublica, o Sgiò capistatu, di piddà in contu a noscia triplici lighjittimità : quidda storica, quidda dimucratica è quidda stituziunali ».
Com’idda l’avia fatta a prisidenti di l’assemblea innanzi ad iddu, u prisidenti di l’esecutivu hà difesu a dilibarazioni « autunumia » vutata di luddu, arrimbendu si à issi trè punti.
« Ind’idda ci hè a vulintà, ci hè a strada », hà dittu Gilles Simeoni, ripiddendu a dumanda di gérald darmanin di pruducia un ducumentu à nantu à l’attesi di i corsi à liveddu di l’autunumia.
« Avemu travaddatu, è u raportu pruduttu hà presu 46 di i 63 voti. Issu ducumentu teni contu di i scumissi sucitali, storichi, ecunomichi è suciali, dimucratichi è urganisaziunali », « avemu capitu ch’idda era ora di custruì a spiranza, a paci, è un prughjettu spartutu », hà dittu u prisidenti di l’esecutivu.
Gilles Simeoni hà dumandatu à u prisidenti lla ripublica com’iddu u vidia, u dissegnu d’issa spiranza spartuta. U so discorsu si hà buscu sciaccamanati in quantità.
« Semu chivi cù i nosci dui seculi di storia, i nosci sissanta anni di lutta, i nosci morti è i nosci prighjuneri, ma ancu cù a noscia lialtà è a noscia vulintà ferma di custruì iss’autunumia », hà dittu Gilles Simeoni in chjudenda.
Steti à senta u so discorsu, dittu innanzi à a presa di parolla d’emmanuel macron.
