Gestion des déchets : deux projets de tri mécano biologique inquiètent Femu a Corsica
(A redazzioni d'Alta Frequenza) - U pianu di gistioni di i rumenzuli ùn sarà forsa micca prisintatu nanzi à a fini di u 2013, ellu chì hè in traccia d’essa cambiatu. Issu pianu, pricisemu la, t’hà pà scopu di limità u trasportu di i rumenzuli è di trattà li u più vicinu à u locu di pruduzzioni. U vantaghju hè più cà evidenti : schisarà u fattu di ghjittà nant’à i stradi decini di camiò è dunqua d’ammaistrà i costi ; piaciarà à l’usadori. Un affari chì purtarà à rispunsabilizà dinò ogni rughjoni di pettu à i so rumenzuli stessi è mittarà da cantu quilla tindenza à dì : « micca ind’è mè, ma ind’è u vicinu ». Mentri chì i puteri publichi travaghjani nant’à un cartulari longu è cumplessu, l’appititti di l’uparatori privati spuntani. Dui prughjetti pà sceghja di manera meccanica è biologica 50 000 tunnellati di rumenzuli ognunu sò stati pinsati, unu nant’à a piaghja urientali, è l’altru più altu cà a cità di Bunifaziu. Ciò chì inchieta assai u gruppu Femu a Corsica di l’Assemblea di Corsica è Agnès Simonpietri in particulari.
Écoutez-la.
Sur le même sujet
