Gérard Larcher et les représentants de la droite corse se sont rencontrés au Sénat pour évoquer le futur statut de la Corse
Arimani à u Senatu, in parigi, ci hè stata una riunioni, ditta « custruttiva » da quiddi chì ci participetini.
Fatta à l’iniziativa di u senatori Jean-Jacques Panunzi, chì ci hà participatu, issa riunioni si hà accoltu i coprisidenti di u gruppu un Soffiu Novu di l’assemblea di Corsica (Valérie Bozzi è Jean-Martin Mondoloni), François-Xavier Ceccoli, u capifila di a federazioni Les Républicains di u Cismonti, è Gérard Larcher, u prisidenti di u Senatu.
Si trattaia chivi di fà dibattitu cù i prupusizioni purtati da u gruppu – beddu minuritariu ramintemu la – un Soffiu Novu in u quadru di l’evuluzioni stituziunali pruposta da emmanuel macron.
L’ughjittivu era di circà à difinì qualissu saria u scrittu chì pudaria francà a tappa llu palazzu di u Lussemburgu pà u statutu à vena lla Corsica. Quì ben’intesa, l’avvisu di a maiurità tarrituriali ùn c’entri po’ micca : chì vuleti, semu in Dimucrazia !
Gérard Larcher – surpresa ùn ci n’hè ! - hè statu beddu sticchitu : di statutu di risidenti, di cuufficialità o di Populu Corsu, ùn ci hè arti di parlà ni !
Sur le même sujet
