Garde à vue de Pierre-Marie Geronimi : son épouse de nouveau libre
(A redazzioni d'Alta Frequenza) - Mentri chì dipoi ssu marti, u presidenti di u SC Bastia, Pierre Marie Geronimi è un omu chì teni un bar PMU sò intesi da a pulizza ind'u quadru di un'infurmazioni ghjudiziaria, ni sapemi appena di più oramai. A moglia di Pierre Marie Geronimi, intesa anch'ella da a pulizza à tempu à u so maritu, hè stata libarata appena dopu senza nisun carica ritinuta contr'à ella. L'audizioni in corsu cuncirnaria soprattuttu attività chì ùn avariani micca una leia diretta cù u Sporting, ma piuttostu cù a sucità di lucazioni di vitturi chì hè a pruprietà di u presidenti di u club. In fatti, a cellula TRACFIN in carica di truvà muvimenti finanziari suspetti, avaria scupartu muvimenti di soldi trà i conti di i sucità di Pierre Marie Geronimi è quilli di ss'omu chì gistici un bar, à volta prufiziunali è privati, è suspetta dunqua Pierre Marie Geronimi d'abusu di bè suciali. Un'audizioni da a pulizza chì ghjuvaria dinò ind'u quadru di un affari di stallazioni di un tarrenu sinteticu da una sucità di Montpellier pà u SC Bastia; i dui cartulari ùn sò micca liati.
Sur le même sujet
