Fusillade de 2012 : Reconstitution sous haute surveillance à Sartène
(A redazzoioni d’Alta Frequenza) - Ricustituzioni sottu à survighjenza alta arisera (marcuri) in Sartè. Si duvia pruvà à rifà i gesti di a fucilata, chì u 4 di sittembri di u 2010, avia fattu un mortu è dui feriti nant’à a piazza Porta. Omu s’arricorda chì issu ghjornu quì, Pierre Balenci chì era nant’à a piazza di u marcatu era statu toccu da Jacques Ettori chì avia sparatu nant’à iss’ultimu. A vittima avia tandu rispostu, feriscendu di modu gravi u so agressori. Un terzu omu, un cumircianti, era statu feritu da una balla persa. Arisera, i servizii di gendarmeria di Corsica Suttana ani pruvatu à scurticà u sfilà di i fatti. Da sbuccà ci, un dispusitivu di securità impurtanti era statu missu in ballu, a piazza Porta sarrata, tiradori piatti ma dinò cumerci chjosi è circulazioni taghjata, com’è una prisenza impurtanti di forzi di l’ordini.
