Furiani théâtre d'une simulation d'inondation afin de peaufiner la gestion de crise
Vennari, parvia di l’acquati, ci sò stati l’inundazioni in Furiani, è sò stati mubilizati i succorsi è l’auturità. Ùn vi ni seti avvisti ? Hè nurmali, chì si tratta chivi d’un scinariu ghjucatu in mirria, da imparà à pittughjà si à una gistioni di crisa.
Spinghjifoca, mirria di Furiani, auturità prifitturali sò stati impignati in l’eserciziu.
Intarvinzioni à nantu à una ripruduzzioni in trè diminsioni di a mirria via razza d’un ghjocu videò, missa in anda di l’aiutu à a pupulazioni... tuttu era privistu, ancu a cumunicazioni via i reti suciali, trà infurmazioni à a pupulazioni è risposta à i falsi novi, o ancu à certi missaghja invispiti com’iddu si ni vidi ugni tantu in situazioni cumpagni.
Issu scinariu ùn hè cusì luntanu da a rialità : in u 2016, Furiani era statu à u provu d’un evenimentu climaticu impurtanti.
Steti à senta à Louis Pozzo di Bogo, prisidenti di a CAB, aghjuntu à u merri di Furiani è rispunsevuli di l’eserciziu.
Pà u SIS llu Cismonti, si trattaia d’appruntà u travaddu urganisaziunali, da risponda bè à situazioni com’è quissa.
Steti à senta à Hyacinthe Vanni, u prisidenti di u SIS2B
Sur le même sujet
