Fréquentation record pour l'aéroport de Figari Sud Corse
In u 2021, ci sò passati 790 000 passaghjeri, vali à dì circa 5,5 % di più chè in u 2018, annata storica ! Pà issu 2022, n’hè passatu 900 000 : a crescita tuccaria dunqua i 16 %.
Cù issi sciffri, Ficari si teni a prima piazza naziunali di l’aeruporti i più dinamichi d’issi pochi anni.
Jean-François Castelli, u prisidenti di a cumissioni Grand Sud, si filicitighja d’issi sciffri chì dicini l’attrattività di u rughjonu, è insignani ancu una staghjoni chì si hè oramai stesa à setti mesa.
Pà Romain Leccia, u dirittori di a sfruttera llu situ, i sciffri di u mesi di maghju insignani una crescita di u numaru lli passaghjera chì tocca i 40 % à pettu à u 2019. Di a stessa manera, a crescita pà uttrovi tocca i 30 %.
L’aeruportu di Ficari, chì conta pà un quartu di u trafficu aerianu righjunali, si hè ingagiatu in u prugrama dittu « Aero Biodiversità », chì t’hà par ughjittivu di pruteghja i spazia naturali, è in quiddu chjamatu « Airport Carbon Accreditation – Level 2 », chì t’hà par ughjittivu di riducia a stampa carbonica è l’emissioni di gasi à effettu stufa.
Sur le même sujet
