Fraternatale, un beau geste pour les plus démunis
(A redazzioni d'Alta Frequenza) - Un bellu gestu pà una causa bella : a chjama hè lampata u marcuri u 18 di dicembri à 9 ori di sera à u Palatinu in Aiacciu, duvarà ci sarà nant'à a scena u gruppu I Muvrini, cù in prima parti Les Granddukes, tuttu què à prufittu di a CLE, a Cuurdinazioni Inter Assuciativa di Lotta Contr'à a Sclusioni. Quissa quì, criata in u 2004, hè cumposta da l'associ Avà Basta, Croix Rouge, Fraternité du Partage, Médecins du monde, Secours Catholique, Secours Populaire è Restos du cœur. I soldi racolti parmittarani à ss'ultimi di sustena parechji di i so prughjetti, sempri ind'u filu dirittu di i so azzioni di basa, vali à dì aiutà i più povari. Ss'uparazioni, chì si chjama Fraternatale - un veru simbulu quandu si pensa à i festi di fin d'annata propiu vicini - sarà l'uccasioni dinò di sinsibulizà torna una volta u publicu à u fenomenu di a precarità, è di fà nascia in tuttu ognunu una vera presa di cuscenza, aldilà di a necessità prufonda di dà à ssu prublema una risposta pulitica.
Steti à senta à François Pernin, pà Médecins du monde, chì faci dinò parti di a CLE.
Sur le même sujet
