France 3 Corse : une intersyndicale SNJ-STC-UNSA s'inquiète du statuquo concernant les futurs locaux de Bastia
Metti u tempu à avvià si, u prughjettu di l’isulottu lla posta, in Bastia !
U bastimentu attuali, ind’iddi si trovani, in centru cità, a Posta è Orange, devi essa ricustruitu, da riceva a posta cintrali di Bastia, parichji cumercia è appartamenti, un albergu è i lucala novi di france 3 Corse Via Stella.
U prughjettu era privistu par essa finitu in u 2023, ma par avali ùn si hè vistu mancu un colpu di ghjaddonu !
È à senta ni i sindicata SNJ, STC è UNSA, l’affari impinsirisci à veru i 45 impiicati di france 3 in Bastia.
Ricivuti da u merri, ani ramintatu ch’idd’era più chè nicissariu par iddi issu cambiamentu di lucala, par fà campà l’ambizioni di Via Stella.
In più di quissa, u cutidianu di i parsunala in i lucala attuali, chjuchi è pocu funziunali, ùn hè ottimu : manca à veru a piazza pà a ridazzioni bastiaccia !
Steti à senta à Frédéric Danesi, ghjurnalistu è porta parolla di u SNJ di france 3 Corse Via Stella.