Forte montée des eaux sur la Marine de Bonifacio
photo mairie de Bonifacio
Luni matina, in Bonifaziu, l’acqua llu mari si n’hè cuddata à nantu à u molu llu portu.
I succorsi sò stati mubilizati una bedda parti lla matinata, è EDF hè ghjunta supr’à locu da sicurizà i stallazioni.
Ci hè vulsutu à nittà u carrughju, è l’agenti cumunali ani purtatu aiutu à i cumircianti.
Dici a municipalità chì un timpurali hè privistu par 7 ori di sera, è chì forsa l’acqua pudaria ricuddà dinò.
Eccu ciò ch’iddi devini fà i cumircianti, par casu ch’iddi volghini stà aparti, s’idda svaca dinò l’acqua :
- taddà subitu u cuntori elettricu.
- chjuda u so cumerciu.
A circulazioni lli viiculi hè difesa à nantu à u portu sinu à dumani matina, ma l’aienti t’ani u drittu di viaghjà ci à pedi.
A municipalità hà da dumandà à u statu ch’idda sichi ricunnisciuta a catastroffa naturali, da pudè aiutà à quiddi chì i so cumerci sò stati dannighjati.