Formation emploi: du nouveau
(A redazzioni d'Alta Frequenza) - I CARIF è l’OREF sò sbucciati ind’a machja dighjà bella colma di sigli utilizati ind’a vita amministrativa è inde quilla di a furmazioni è di l’impiecu in particulari. Pà u grandi publicu, ci voli à dì chì i CARIF sò i centri d’animazioni, di risorzi è d’infurmazioni nant’à a furmazioni è l’OREF raprisentani l’usservatorii righjunali impiecu furmazioni. Pà simplificà ancu di più, si pò dì chì i primi t’ani com’è rollu d’infurmà, di prufiziunalizà è d’animà ch’ella sia ind’i prufiziunali cà ind’u publicu è i sicondi t’ani piuttostu un rollu d’infurmazioni è di studiu ma ver di i puteri publichi, lucali o naziunali. I primi scontri di i CARIF-OREF sò urganizati in ssu mumentu in Corsica è Hervé Belmont, u direttori righjunali di a DIRECCTE ci ni prisenta l’intaressu.
Ecoutez Hervé Belmont.
Sur le même sujet
