Football - Yannick Cahuzac raccroche les crampons
Marti, unu di i porta bandera llu ballonu corsu d’issi ultimi anni hà dittu ch’iddu piddaia a so ritirata.
Via un missaghju postu à nantu à u so contu Twitter, Yannick Cahuzac hà dittu ch’iddu arristaia a so carriera à 37 anni, finindu a so staghjoni cù Lens.
Dopu ad avè principiatu cù u GFC Aiacciu, hè statu suldatu po’ capitanu di u SC Bastia, ind’iddu hà ghjucatu longu à 16 staghjoni, da i squadri di ghjovani à a prima divisioni. Cù a maglietta turchina, scontri, n’hà fattu 303.
Campionu di Naziunali in u 2011, di siconda divisioni in u 2012, è finalistu lla Cuppa lla Liga in u 2015, si lacarà u Sporting dopu à a bancarotta llu 2017.
À quiddi chì ùn lu cunsidaraiani, li farà veda ch’iddu ùn era solu u ghjucadori di carattaru d’una squadra à forti idintità : farà dui staghjoni pieni cù Tulusa in prima divisioni po aiutarà, pà issi trè staghjoni scursi, à fà cuddà à Lens in prima divisioni.
Yannick Cahuzac si laca dunqua i tarrena, ma ùn si alluntana tantu quantunca, chì t’hà a intizioni di passà u diploma d’addistradori.
Sur le même sujet
